Protruziya nədir?
Fəqərələrarası disk mərkəzdə yumşaq nüvədən və onu əhatə edən möhkəm həlqədən ibarətdir. Protruziyada həlqə hələ bütövdür, amma disk öz sərhədindən kənara qabarır. Həlqə cırılıb nüvə xaricə çıxanda bu artıq yırtıq adlanır.
Protruziya ən çox bel (L4–L5, L5–S1) və boyun nahiyəsində olur. Maraqlıdır ki, MRT-də protruziya aşkar edilən bir çox insanda heç bir ağrı olmur — ağrının səbəbi çox vaxt diskin özündən çox, onu əhatə edən əzələlərin işindədir.
Protruziyanın səbəbləri
Disk illər boyu qeyri-bərabər yük daşıdıqda zəifləyir. Əsas səbəblər:
- uzun oturma, oturaq həyat tərzi
- dərin qarın və kürək əzələlərinin zəifliyi
- pis duruş — irəli əyilmiş baş, yuvarlaq kürək
- ağırlığı düzgün qaldırmamaq
- artıq çəki və yaşla bağlı dəyişikliklər
Protruziyanın əlamətləri
- beldə və ya boyunda küt, uzun sürən ağrı
- uzun oturduqdan sonra tutulma
- əyiləndə və ya ağırlıq qaldıranda ağrının artması
- bəzən ayağa və ya qola yüngül yayılan ağrı
- boyun protruziyasında baş ağrısı və çiyində gərginlik
- əzələlərdə daimi gərginlik hissi
Bu hallarda dərhal həkimə müraciət edin
- sidiyi və ya nəcisi saxlaya bilməmək
- çanaq nahiyəsində keyimə
- ayaqda və ya əldə sürətlə artan zəiflik
- zədədən sonra və ya qızdırma ilə başlayan ağrı
Protruziyanın müalicəsi necə keçir
Biz diaqnoz qoymuruq — həkimin rəyi və MRT varsa, ilk görüşə gətirin. Bizim işimiz hərəkət vasitəsilə diskin yükünü azaltmaq və ağrının qayıtmamasına çalışmaqdır.
- 01
Qiymətləndirmə
Duruşu, hərəkəti və əzələ testlərini yoxlayırıq: hansı əzələlər zəifdir, hansılar onların işini görüb gərginləşib.
- 02
Gərginliyin azaldılması
Masaj və yumşaq məşqlərlə spazmı azaldırıq, hərəkətin rahatlığını qaytarırıq.
- 03
Gücləndirmə
LFK və Neurac məşqləri ilə onurğanı daxildən saxlayan dərin əzələləri işə salırıq.
- 04
Vərdişlər və profilaktika
Oturma, qaldırma, yatma vərdişlərini düzəldir, evdə edəcəyiniz qısa məşq proqramı veririk. Sonra pilates ilə formanı saxlamaq olar.
Protruziya üçün istifadə etdiyimiz metodlar
Nə qədər vaxt lazımdır?
Protruziyada yaxşılaşma çox vaxt yırtıqla müqayisədə daha tez olur. Dəqiq müddəti ilk qiymətləndirmədən sonra deyirik.
Adətən həftədə 2–3 seans, sonra müstəqil ev məşqləri. Məqsəd ağrının qayıtmaması və protruziyanın yırtığa keçməməsidir.
Tez-tez verilən suallar
Disk üzərində yük davam edərsə, mümkündür. Ona görə əzələləri gücləndirmək və hərəkət vərdişlərini düzəltmək vacibdir — bu, diskin yükünü azaldır.
Bəli, düzgün seçilmiş idman əsas müalicə yollarından biridir. Ağır ştanq, kəskin burulmalar və tullanmalar ilk mərhələdə məsləhət görülmür. Bizdə məşqlər fərdi seçilir.
Ağrı çox vaxt keçir, xüsusilə insan aktiv qaldıqda. Amma səbəb — zəif əzələlər və pis vərdişlər — qalırsa, ağrı təkrarlana bilər.
Biz dərman təyin etmirik; dərman məsələsini həkiminizlə həll edin. Bizim yanaşmamız hərəkət, məşq və manual işdir və bir çox insanda dərmana ehtiyacı azaldır.
Bu, ağrının dərəcəsindən və əzələlərin vəziyyətindən asılıdır. İlk görüşdən sonra təxmini plan veririk.
Oxşar vəziyyətlər
Bu səhifə məlumat xarakterlidir və həkim müayinəsini əvəz etmir.
