Osteoxondroz nədir?
Osteoxondroz zamanı fəqərələrarası disklər tədricən su itirir, nazikləşir və elastikliyini azaldır. Fəqərələrin kənarlarında və kiçik oynaqlarda da dəyişikliklər yaranır. Bu proses protruziya və yırtığın inkişafına zəmin ola bilər.
Ən çox boyun (servikal) və bel (lumbal) osteoxondrozu rast gəlinir, daha az hallarda döş nahiyəsi. MRT və ya rentgendə dəyişikliklərin olması həmişə ağrı demək deyil — ağrının əsas mənbəyi çox vaxt gərgin və zəif əzələlərdir.
Osteoxondroz niyə yaranır?
Yaş təbii amildir, amma prosesi sürətləndirən səbəblər çoxdur:
- uzun müddət kompüter və telefon arxasında irəli əyilmiş baş
- oturaq iş, gün ərzində az hərəkət
- zəif əzələ korseti
- ağır fiziki iş və düzgün olmayan qaldırma
- artıq çəki, siqaret
Boyun və bel osteoxondrozunun əlamətləri
- boyunda və ya beldə daimi küt ağrı və tutulma
- başı döndərəndə məhdudiyyət və xırçıltı
- boyun osteoxondrozunda baş ağrısı, çiyinlərdə gərginlik
- əllərdə və ya ayaqlarda keyimə, qarışqa gəzməsi
- səhərlər və uzun oturduqdan sonra tutulma
- yorğunluq, əzələlərin tez yorulması
Bu hallarda dərhal həkimə müraciət edin
- kəskin başgicəllənmə ilə birlikdə nitq, görmə və ya tarazlıq pozulması
- əldə və ya ayaqda artan zəiflik
- sidiyi və ya nəcisi saxlaya bilməmək
- zədədən sonra başlayan və ya qızdırma ilə gedən ağrı
Osteoxondrozun müalicəsi Life Line Studios-da
Biz osteoxondrozu dərmanla və ya iynə ilə yox, hərəkətlə müalicə edirik — bu, təbii yolla müalicənin ən çox sübut olunmuş üsuludur. Həkim rəyi və MRT varsa, gətirin.
- 01
Qiymətləndirmə
Neyrokinezioloq duruşu və əzələ balansını yoxlayır, hansı nahiyənin artıq yükləndiyini müəyyən edir.
- 02
Ağrı və tutulmanın azaldılması
Masaj və biomexanoterapiya əzələ spazmını götürür, hərəkətliliyi artırır.
- 03
Əzələ korsetinin qurulması
LFK və Neurac məşqləri boyun və bel nahiyəsinin dərin əzələlərini gücləndirir.
- 04
Gündəlik həyata keçid
İş yerinin, yataq və yastığın, oturma vərdişlərinin düzəldilməsi və ev məşqləri ilə nəticə qorunur.
Osteoxondrozda istifadə etdiyimiz metodlar
Neyrokineziologiyaağrını yaradan əzələ disbalansını müəyyən edir
Müalicəvi bədən tərbiyəsi (MBT)boyun və bel üçün fərdi müalicəvi məşqlər
Biomexoterapiyavibrasiya ilə hərəkətliliyi və qan dövranını yaxşılaşdırır
Masajəzələ spazmını və tutulmanı azaldır
Neurac metodudərin stabilizator əzələlərin ağrısız məşqiMüalicə nə qədər çəkir?
Osteoxondroz xroniki vəziyyətdir, ona görə məqsəd bir dəfəlik “sağalma” deyil, ağrısız və rahat həyatdır. İlk yüngülləşmə adətən bir neçə həftədə hiss olunur.
Kurs başa çatdıqdan sonra evdə müntəzəm qısa məşqlər və ya həftədə 1–2 dəfə pilates/LFK nəticəni saxlamağa kömək edir.
Tez-tez verilən suallar
Disklərdəki yaşla bağlı dəyişiklikləri geri qaytarmaq mümkün deyil. Amma ağrını azaltmaq, hərəkətliliyi qaytarmaq və prosesin sürətlənməsinin qarşısını almaq tamamilə mümkündür.
Ən effektiv təbii üsul — müntəzəm, düzgün seçilmiş hərəkətdir: müalicəvi məşqlər, dərin əzələlərin gücləndirilməsi, masaj və gündəlik vərdişlərin dəyişdirilməsi.
Bəli, boyun əzələlərinin gərginliyi baş ağrısının (servikogen və gərginlik tipli) tez-tez səbəbidir. Boynu düzgün işləməyə öyrətdikdə baş ağrıları çox vaxt azalır.
Üzgüçülük, gəzinti, pilates və müalicəvi məşqlər adətən faydalıdır. Ağır ştanq, kəskin burulmalar və ani zərbəli yüklər ilk mərhələdə məsləhət görülmür.
Xeyr. Biz dərman və iynə təyin etmirik — bu, həkimin işidir. Bizim işimiz hərəkət və manual terapiya ilə bərpadır.
Oxşar vəziyyətlər
Bu səhifə məlumat xarakterlidir və həkim müayinəsini əvəz etmir.
