Bel ağrısının səbəbləri
Bel ağrılarının böyük hissəsi “qeyri-spesifik” adlanır — yəni MRT-də ağrını izah edən ciddi dəyişiklik olmur. Ağrının mənbəyi əzələlər, bağlar və hərəkət vərdişləridir. Əsas səbəblər:
- uzun oturma və az hərəkət
- zəif qarın, sağrı və dərin kürək əzələləri
- ağırlığı düzgün qaldırmamaq, kəskin hərəkət
- stress — əzələlər daim gərgin qalır
- protruziya, yırtıq, osteoxondroz kimi onurğa problemləri
Bel ağrısında nə etməli?
Kəskin bel ağrısında uzun yataq rejimi məsləhət görülmür — tədqiqatlar göstərir ki, yüngül aktivliyi saxlamaq sağalmanı sürətləndirir. Ağrını artırmayan hərəkətlər, qısa gəzintilər və düzgün yatma vəziyyəti kömək edir.
Ağrı bir neçə həftədən çox davam edirsə və ya tez-tez təkrarlanırsa, bu, səbəbin aradan qalxmadığını göstərir. Məhz bu mərhələdə fərdi məşq proqramı ən yaxşı nəticəni verir.
Bel ağrısı necə özünü göstərir
- beldə küt və ya kəskin ağrı
- səhərlər və uzun oturduqdan sonra tutulma
- əyiləndə, ağırlıq qaldıranda ağrının artması
- ağrının sağrıya və ya ayağa yayılması
- kürək sümükləri arasında ağrı (kürək ağrısı)
- uzun dayana və ya yeriyə bilməmək
Təcili həkimə müraciət edin, əgər
- sidiyi və ya nəcisi saxlaya bilmirsiniz, çanaq nahiyəsi keyiyib
- ayaqda zəiflik artır
- ağrı yıxılmadan və ya zədədən sonra başlayıb
- qızdırma, səbəbsiz arıqlama və ya gecə istirahətdə keçməyən ağrı var
Bel ağrısının müalicəsi necə keçir
Biz dərman və iynə vurmuruq — ağrının səbəbini hərəkətlə aradan qaldırırıq. Həkim rəyi və MRT varsa, gətirin.
- 01
Qiymətləndirmə
Neyrokinezioloq duruşu, çanağı və əzələləri test edir, belə artıq yük salan zəif halqanı tapır.
- 02
Ağrını azaltmaq
Masaj, biomexanoterapiya və Neurac məşqləri ilə spazmı götürür, hərəkəti rahatlaşdırırıq.
- 03
Gücləndirmək
LFK proqramı qarın, sağrı və dərin kürək əzələlərini gücləndirir.
- 04
Təkrarlanmanın qarşısını almaq
Düzgün qaldırma, oturma vərdişləri və ev məşqləri ilə ağrının geri qayıtmasının qarşısını alırıq.
Bel ağrısında istifadə etdiyimiz metodlar
Müalicə nə qədər çəkir?
Kəskin bel ağrısı çox vaxt bir neçə həftəyə keçir. Xroniki və təkrarlanan ağrıda adətən 4–8 həftəlik kurs, həftədə 2–3 seans təyin edilir.
Dəqiq plan ilk qiymətləndirmədən sonra verilir.
Tez-tez verilən suallar
Aktiv qalın, ağrını artırmayan yüngül hərəkətlər edin, uzun yataq rejimindən qaçın. Təhlükəli əlamətlər varsa — həkimə gedin. Ağrı təkrarlanırsa, səbəbini tapmaq üçün mütəxəssisə müraciət edin.
Xeyr. Dərman və iynəni həkim təyin edir. Bizim işimiz ağrının səbəbini — zəif və gərgin əzələləri — hərəkətlə aradan qaldırmaqdır.
Sidik-nəcis pozulması, ayaqda artan zəiflik, zədə, qızdırma, səbəbsiz arıqlama və gecə keçməyən ağrı — bu hallarda dərhal həkimə müraciət edin.
Bəli. Kürək sümükləri arasında ağrı çox vaxt duruş və çiyin qurşağının əzələləri ilə bağlıdır və eyni yanaşma ilə müalicə olunur.
Bəli, düzgün seçilmiş hərəkət müalicənin əsasıdır. Ağır və kəskin yüklər ilk mərhələdə məhdudlaşdırılır.
Oxşar vəziyyətlər
Bu səhifə məlumat xarakterlidir və həkim müayinəsini əvəz etmir.
